約埋班Friend去旅行丨陳瀅爆JW連續便秘10日賴慰玲揭朱仔振朗親密關係

放假想同朋友去旅行玩到癲，話晒日對夜對，當然要搵志同道合嘅老友同行，測試大家嘅友誼，JW王灝兒、周嘉洛、陳瀅、朱敏瀚、張振朗及賴慰玲早前分兩組出發去清邁及澳洲拍攝《約埋班Friend去旅行》互相見證大家真性情，節目於9月18號逢星期一至三晚上10點半播出，呢日佢哋合體宣傳時獨欠陳瀅。

陳瀅透過視像係咁爆料，先爆JW有10日便秘、第一次見朱仔最討厭嘅一面、周嘉洛搞喊JW等，JW受訪時笑言：「而家全香港都知我便秘啦！我去旅行係冇咁暢順，加上我同陳瀅一間房，我哋日日食好多嘢，可能大家睇呢個節目，我比較肥啲！因為有入冇出。」嘉洛同朱仔由於玩得太投入，忘記咗有鏡頭嘅存在，展現出真性情，佢哋好期待出街後嘅效果。

此外，朱仔呢次有份參與兩個旅程，賴慰玲爆朱仔同振朗嘅親密關係，分享三人行相處趣事，今次佢哋赴澳洲拍攝節目接受不同挑戰，一齊上山下海吃喝玩樂，振朗同賴慰玲老友鬼鬼，不忘互窒對方。

#約埋班Friend去旅行 #JW #王灝兒 #周嘉洛 #陳瀅 #朱敏瀚 #張振朗 #賴慰玲 #放假 #旅行 #友誼 #清邁 #澳洲 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
https://www.facebook.com/TVBENews

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0